How Business Listing & Dispute Resolution Fit Like Bread and Ewa-Agoyin.
One early Wednesday morning, one bros send email give us. Him name na Mr X (make we no call full name). E talk say e order some items from one online store. As normal, e pay sharp-sharp. Next thing, him phone ping—email from the same store say, “Your order don cancel.”
Confusion enter. Why? How?
But the real gbege na say the money don already waka comot from him account, enter online merchant hand. Baba try call, message, email the merchant—no show, nobody answer. E nearly give up.
Na so one day, scrolling online, e jam our ad wey talk say: “We dey help resolve disputes fast-fast.” E say make e try. E reach out, explain everything, send documents as evidence.
My people, na there the matter switch. We enter gear 5, reach out to the merchant, open follow-up, and begin serious investigation. After just three days, the story change—Mr X don collect full refund, smile dey him face like person wey just win jackpot.
Now, why I dey share this gist?
Because this na the power of business listing and dispute resolution combined:
- Business listing dey give transparency – People go fit trace who dey behind one business. No hide-and-seek.
- E dey build trust – If your business dey visible online, you no go wan mess up your name. Reputation dey on the line.
- E dey make conflict easy to resolve – Instead make customer dey lost, listing create direct channel to reach the right people.
- Everybody happy at the end – Customer get refund, business save face, and peace reign.
See ehn, business listing no just be about showing say your business dey exist; e be about accountability and trust. And when wahala bursts, dispute resolution go balance the equation.
So if you be business owner, abeg no dull. List your business, dey transparent, and always ready to resolve issues quick. Na so you go win customer heart, and dem go even turn your free marketers like Mr X wey share him testimony give friends.
Moral of the story: Business wey dey visible and accountable dey shine pass. Dispute resolution na the grease wey make everything run smooth.
